Wilzing en Wubs heuren bij t dörp

Verleden week zotterdag, 18 meert, kregen alle bezukers van de Dag van de Grunneger toal de bundelZied aan zied . Ien dizze bundel stoan 18 gedichten van Rieks Holtkamp en 19 stuks van Hanne Wilzing: 37 gedichten dus, de een nog mooier as de aander. Waark van beide mannen waas ien meert alGedicht van de week , ienToalproat wordt doarom noar de noamen keken.

Hanne Wilzing komt van Onstwedde en doar moakt hij gien geheim van. Ien t gedichtDit vat het geven schrift er over t deupvont ien e Onstwedder kerk woar al die kiender met al die bekende achter-noamen deupt bennen: van Wilzing tot an Wubs. Want nog altied nemmen zeker 10 huusholdens de tillefoon op met Wilzing. En de noam Wubs komt dik 40 moal veur ien t tillefoonboek. De achter-noamen Wilzing en Wubs heuren krekt zo bij t dörp Onstwedde as de juvvertoren.

Traauwens ok de veurnoam Hanne heurt bij die oostkaant van ons pervincie, meer noar t westen is t voak voluut Johannes of aans Jan. De veurnoam Rieks komt van Hinderikus en Rieks Holtkamp is vernuumd noar zien opa Hinderikus Jasper Holtkamp uut Heemskes (Heveskes). De achternoam Holtkamp klinkt vertraauwd, want t Grunneger woord is holt en dus hieten mensen hier Boekholt, Hartholt of wat veur holt dan ok en gien Beukenhout, Hardhout en zuks.

Over veur- en achternoamen gijt het loater wel weer. Gelukkeg hemmen we nou n bundel met 37 gedichten van 2 mannen van noam!

Bron: DvhN