Geert Hidding

Mooi waark, of naait den?

Bé Wilzing belde me en vroeg iets voor en over Onstwedde te vertellen.
Mijn naam is Geert Hidding, "Monnik" voor de mensen rond de 75 jaar, zoon van Albert Hidding (Albert Post) en Geertje Wubs.
We woonden aan de Dorpsstraat 47 waar nu mijn zus Corrie en Aike Smit wonen.
Ikzelf woon nu al weer 45 jaar in Billerbeck in Duitsland waar ik de leiding over het technische deel van een grote fabriek voor het vriesdrogen van o.a. koffie had. Ik ben nu met pensioen.
Mijn vrienden van vroeger Willy (Willem) Kiel, Henk de Vries, Frits Meier en Jan Luring uit de Glethe.

Maar nu het verhaal:

Vot den mor:
`t´Was ducht mie in 1944 of 45, wie wassen jonkjes van`n joar of fieve .
Fritz Maier(Van Oarend en Gittje van de garage) op houk van Luringstroate, was net zo old as ik en dat was toun al ain echte pyromaan. Kon nooit mit de vingers van luzivers oaf blieven.
As hai noar boeten wol om te speulen, vuilde zien moeke hom de buutsen noa of hai d`r ook gounend in har, zo baange wassen ze dat hai vuurtje stoken dee.
Op aain zundagmörgen zee Frits tegen mie: ”Mien pabbe het 'n deuske mit 'n stuk of wat luzivers op sloapkoamer liggen loaten, ik goa noar boven en smiet dat deuske deur t roam en doe dust hom gaauw in de buutse.
Het ging meroakels, niks vernomen, Frits har gaain luzivers bie hom en mog noar boeten tou.
Wie mit striekholtjes en aain stuk törfvlokke (van aain aanmoaker) aan `t pebaaiern in `t pishokje bie Frits zien opa bie `t cafe, moar doar tochde het veul te slim, ieder bod gong luziver oet. Wie harren nog moar aain stuk of wat.
Wie mozzen aain beter stee zuiken.

Nou ston d`r bie olle Jan Moed (Snorre Moed) achter in `t veld aain strobult en doar hadden ze bie `t oppakken aain gat in loaten zo groot as aain haalf pak stro, doar hadden wie schoele genog.
Fritz dee luziver aan en was aan `t vigelaaiern mit zien törfvlokke.
Ik wait nait hou of het kwam, moar in aains ston de haaile strobult in de brand. Wie der van deur vanzulfs.

Zundagmiddag gingen mien ollu, (zoas veul mensen destieds deden) even noar 't kerkhof. Achter in dörp (neie kerkhof) of zoas mien olheer zee: ” Bie Reind Bakker zien hounder."
En weerom noar hoes even bie oom Joakob Huusman aan veur kopke thee en veur ol opoe Huusman dei doar in hoes was.
Wie zatten d`r net, toun oom Joakob toenpad op kwam, op klompen en mit ol goud aan.
Pabbe zee: ”Bist aan `t waark west op zundag Joakob?”
Dei was roeg in de kop en zee: ”Dat komt van dei rötjong van die, dei het snorre Moed zien strobult aan stoken”.
Naait te best vanzulf.
Wie vot noar hoes tou en doar kreeg ik de lai aan zegd en gaain klain beetje.
`t Haaile dörp wos der van, moar gaain aaine het der mit vremde luu over proat.

`t Was brui west zee men in dörp.

E-mail