10.03.2018 ChristenUnie Knoal op d’Grunneger toer

ChristenUnie Knoal het n soamenvatten mokt van heur verkaizensprogram in t Grunnegs. Ook de speerpunten binnen in ons aigen toal. t Eerste exemploar is vandoage overhandigd aan Ria Muller directeur van de bieb op t Knoal. Ook in de bieb van Muzzelknoal en Onstwedde binnen exemploaren van t verkaizensprogram te vinden.
 
“ChristenUnie is een partij van Christenen veur alle inwoners. Veul van d’inwoners van onze gemainte proaten laiver en verstoan mekander beter in t Grunnegs.  Ook veur heur hebben wie n weerdevolle boodschap” maint Frits van der Heide, roadslid en vertoaler. “Boetendes is t ook zo dat wie dichtbie d’inwoners stoan en lokoal betrokken binnen in onze gemainte, dat loat dizze oetgoave ook zain”.
 
ChristenUnie Knoal het tegeliekertied de bieb ook in t zunnetje zet as “Weerdevol Stee.” Toal en cultuur is belangriek veur de ChristenUnie. Zo het de ChristenUnie zich de oafgelopen roadsperiode ook inzet veur t Toalhoes en de loaggeletterdhaid. De bieb mokt zich ook haard veur toal en cultuur en vandoar ook dizze Grunneger versie van ons program. Het program werd oetreikt bie d’oafdailen mit Grunneger bouken.
 
t Program is te bekieken op de website. Doar is ook n Nederlandstoaleg verkaizensprogram te vinden en n overzicht van alle 21 kandidoaten.

Foto: Frits van der Heide reikt verkaizensprogram oet aan directeur van bieb Knoal Ria Muller

Website